PDF

Ver la portada de hoy

de actualidad
Leo Messi Leo Messi
 
Votacion: 
No hay votos
Cultura | Lugo 0

O Museo Provincial celebra o día dos museos co viñetista Luis Davila

Co gallo do Día Internacional dos Museos, o presidente da Deputación destacou o "privilexio" de contar cunha mostra de 95 viñetas do Bichero, que estará exposta ata o 31 de xullo

Luis Davila, no Museo Provincial de Lugo. EP

Luis Davila, no Museo Provincial de Lugo. EP

O presidente da Deputación, Darío Campos Conde, xunto ao viñetista Luis Davila, O Bichero, e á deputada provincial de Cultura, Deseño e Artesanía, Pilar García Porto, presentaron este xoves no Museo Provincial de Lugo, a mostra Humor do país, que estará exposta ata o 31 de xullo na sala de exposicións temporais do museo. A colección do famoso viñetista, está enmarcada dentro da programación que o goberno da Deputación ofrece,de xeito gratuíto durante o mes de maio co gallo do Día Internacional dos Museos, que se celebra este 18 de maio.

Campos subliñou o "privilexio de contar con esta mostra do prestixioso ilustrador e humorista que nos amosa, a sociedade actual dende o seu característico punto de vista e retranca". 

A mostra de Davila (Bueu, 1972) consta de 95 viñetas súas, que versan sobre distintos temas de actualidade, como a sanidade, o turismo, a educación, ou a igualdade, entre outros. Este conxunto de obras, forma parte dunha exposición colectiva do debuxante e humorista galego, que reúne ilustracións do autor nos catro museos da Rede Museística da Deputación. Ademais, durante a presentación de Humor do País, os participantes realizaron un obradoiro de viñetas impartido por Luis Davila.

PROGRAMACIÓN

Museo Fortaleza San Paio de Narla
- O 20 de maio terá lugar a actividade Noite dos Museos, dirixido ao Club Pequeamig@s, no que os rapaces realizarán actividades e pasarán a noite no museo.
- O 27 de maio ás 12:00 horas, presentación da exposición/obradoiro Humor do país, por Luis Davila.

Museo Provincial do Mar
- O 19 de maio ás 18:00 horas, presentación da exposición/obradoiro Humor do país, por Luis Davila.

Museo Pazo de Tor
- O 19 de maio ás 11:30 horas, obradoiro nós+outrxs en rede, con Violeta Bernardo, dirixido aos integrantes de Ágora-Monforte.

- O 20 de maio ás 11:00 horas, obradoiro A horta de Tor, dirixido ao Club Pequeamig@s, no que plantarán produtos autóctonos, como tomates, pementos, ou patacas, entre outros.

- O 20 de maio ás 11:00 horas, obradoiro de Xogos tradicionais, dirixido ao Club Pequeamig@s, no que practicarán distintos xogos.

- O 25 de maio ás 16:30 horas, obradoiro de Álbum de Memoria, no que participarán os usuarios do xeriatrico do Concello de Monforte de Lemos, no que realizarán distintas actividades enfocadas en traballar a memoria.

Comentarios

fotoLos comentarios enviados fuera del horario de moderación, serán aprobados al día siguiente.

Serán borrados los comentarios que contengan insultos y/o contenidos inadecuados. Para cualquier duda, consulta la guía de comentarios.