ENTREVISTA 
Votacion: 
5 (2 votos)
Deporte Local Lugo | Fútbol 2

"Un xuvenil da comarca ten que ter unha oportunidade no Lemos"

Óscar López asume a presidencia do club porque lle mancaba na alma velo desaparecer. Sabe que é case unha tolería coller o timón, pero chega coas ideas e as contas claras. Quere recuperar o vínculo coa cidade

Óscar López. TOÑO PARGA

Óscar López. TOÑO PARGA

ÓSCAR López Cerceda ten 43 anos. Naceu no Páramo pero leva 17 anos asentado en Monforte, onde traballa e formou a súa familia. O fútbol é a súa afección. De mozo foi xogador e nos últimos tempos formou parte da xestión do CF Monforte, centrado no fútbol base. Agora será o novo presidente do Lemos, un equipo do que é socio dende hai anos. A súa foi a única candidatura que se presentou para relevar a Antonio Pérez.

Que lle dixeron para convencelo de meterse na complicada tarefa de rescatar ao Lemos nas súas horas máis baixas a nivel económico e deportivo?

A min gústame ir ver os partidos á Pinguela dun clube do que son socio hai moitos anos. A situación é a que é. Se cadra por iso din o paso, porque non había máis alternativas. Deixar desaparecer o Lemos parecíame cando menos duro. Non veño buscando protagonismos, só quero aportar as miñas ideas e a miña inexperiencia quero suplila con esforzo.

Foi difícil facer a candidatura?

Si. A cidade está moi desvinculada do Lemos e a maiores a débeda é astronómica, así que foi complicado formar un grupo. Son xente da miña plena confianza e algúns coma José Luis Campos e Antonio Mougán xa estiveron en anteriores directivas. O reto é volver a formar vínculo entre a cidade e o Lemos.

A xente perdeu a ilusión de ir á Pinguela?

Totalmente. Eu quero darlle a volta a iso. Entendo que se os xogadores son da comarca, os pais, o resto da súa familia e os amigos irán velos ao campo. Se son de fóra, aínda que sexa de Vilalba ou de Lugo, non van vir.

Iso quere dicir que se vai recuperar a relación coa xente de aquí e cos clubes de base coma o Monforte ou o Calasancio?

No momento no que logremos saír a competir, o seguinte obxectivo será falar co Calasancio e co Monforte para mellorar a relación e que sepan que cando os rapaces rematen a súa étapa de xuvenís terán a oportunidade de xogar no Lemos, algo que nos últimos anos non acontecía.

"O primero gran reto é saldar a débeda coa federación e despois saír xogar cun equipo de xente de aquí, do entorno"

Fala de saír a competir. Hai unha débeda coa Federación de Fútbol Galega que igual o impide.

Efectivamente. Hai case 4.500 euros de débeda directa e despois están as fichas. Nós para xogar a tempada precisamos ter a primeiros de agosto uns 6.000 euros, así que non hai tempo que perder.

Onde conseguirán os cartos?

Estamos falando coas empresas de Monforte e coa xente de a pé, socios e non socios, para que nos boten unha man e poder arrancar. Ofrecemos un proxecto serio sin estrelas nin protagonismos. Os 6.000 euros son a punta do iceberg, o urxente, pero a débeda total chega aos 80.000 euros. O seguinte paso é reunirse cos acreedores. Non podemos pagar de golpe e nin sequera dar unha cifra de canto imos reducir a débeda, pero traballaremos arreo para que vaia mermando. Entre eses acreedores están empresas de buses, de vestiario pero tamén  o  propio  expresidente, Antonio Pérez. Él asegura que lle pertencen 45.000 euros, anque na asemblea non aportou facturas. Pois tamén toca reunirse con él, estudar o que comenta e do que ten  papeis.  Coma ao resto dos acreedores, non lle podemos negar ir pagando en función das posibilidades todo aquilo do que teña facturas e poida xustificar.

E no deportivo. O reto é regresar á Autonómica Preferente?

De xeito inmediato non. De primeiras a idea é saír a competir e intentar ir reflotando o club. Agora mesmo tampouco nos podemos permitir económicamente estar máis arriba da Primeira Autonómica. Gustaríame falar de ascensos e de categorías superiores pero a realidade é a que é. Non toca facer cortinas de fume, non
vou prometer nada que non poida manter.

Falaremos cos acreedores e iremos pagando pouco a pouco todo aquilo do que haxa factura

Como vai o Lemos de xogadores?

Temos en contra o tempo e a falta de recursos. Ningún xogador da anterior tempada nos dixo nada de seguir, así que o reto é conformar un equipo con xente da zona a contrarreloxo.

Que se lles pode ofrecer?

A ilusión de levar a camiseta do  Lemos e o compromiso de que traballaremos para que esta situación cambie, pero a tal punto non lles podemos ofrecer diñeiro.

Hai nomes para esa plantilla?

Non. O único que temos é a Edu, o entrenador. Ten 23 anos, é da comarca, estivo entrenando no Calasancio e nas categorías inferiores do Lugo. Él vai ser quen conforme o equipo e o único que lle comunicamos e que queremos xente de aquí, pero para o resto ten liberdade. Toda a que se pode ter a estas alturas, cando xa hai moita xente que se comprometeu con outros equipos e tendo en conta a nosa situación. Él está moi comprometido e tamén é de agredecer.

O ano pasado sucedéronse tres entrenadores. Vaise repetir iso?

Non. O que comece rematará a tempada.

Voltemos aos socios. Como están os números?

Hai 200 socios que pagaron o seu carné. Cremos que neste primeiro ano o número ideal sería o de 350 socios.

Falaba tirar de xogadores da comarca que leven a súa xente ao campo. Pero farase algo máis para captar socios? Haberá descontos por exemplo?

A xente non pode pagar as cantidades que pagaba antes. Baixaremos o carné básico dos 60 euros anuais a 50 euros. En canto as entradas, pasarán de 10 a 5 euros e os nenos entrarán gratis.

Como chegou o Lemos a este punto?

A xente perdeu a ilusión porque non coñecía os xogadores, non os vía na rúa, e todo se foi perdendo pouco a pouco.

Comentarios

fotoLos comentarios enviados fuera del horario de moderación, serán aprobados al día siguiente.

Serán borrados los comentarios que contengan insultos y/o contenidos inadecuados. Para cualquier duda, consulta la guía de comentarios.

imagen de usuario
Lucense Provincial martes 25 de julio de 2017, 11:48
3

Una sugerencia, pedirle una ayuda a la Diputación de Lugo que está gastando todos los cuartos en el CB Breogán cuando el deber de una DIputación es apoyar a los municipios y equipos de LA PROVINCIA de LUGO. El Lemos debería contar tb con ayudas y no dejar que recaiga todo el peso en los socios y directiva.Ánimo LEMOS!

imagen de usuario
pope domingo 16 de julio de 2017, 23:06
1

Gracias por todo lo que intentas hacer por el Lemos, equipo que todos los monfortinos que estamos fuera llevamos en el corazòn. Lolìn, Juanìn, Mandès, Pedrito, Pepìn, Quis, Pelao, Rebeca, Chucho, Jose Luis, San Martìn,Cabanelas, Canario, Pontoni,etc etc etc y tantos otros que vistieron la camiseta del Lemos y la honraron, alli donde estèn y por ellos y toda la aficiòn el Lemos debe continuar y no desaparecer jamàs.