O portavoz do grupo municipal do PP en Lugo, Jaime Castiñeira, apelou este martes á presunción de inocencia, aínda que considerou que a imputación do alcalde, Xosé López Orozco, na operación Campión por suposta prevaricación é "unha mala noticia" para a cidade.

Castiñeira destacou que defende a presunción de inocencia para o rexedor, "ao contrario do que adoita ser habitual noutros partidos", reprochou. Pediu que se manteña "o crédito na xustiza e a profesionalidade dos xuíces e xuízas, sexa quen sexa o imputado". "é unha mala noticia para Lugo que o seu máximo responsable atópese inmerso de novo nun proceso destas características", lamentou, e expresou o seu desexo de que se clarifique todo canto antes".