A banda lucense Maldia vén de terminar nos UltraSoundStudios de Portugal a gravación do seu primeira demo de estudo.

O demo, titulada igual que o grupo, foi producida por Pedro Méndez e mesturada e masterizada por Daniel Cardoso. Este estudo luso é coñecido por acoller traballos de bandas de renome nacional e internacional como Angelus Apatrida.

Maldia é un grupo de Lugo formado en 2006 que aos poucos se foi asentando no panorama do heavy trash metal de Galicia. A banda gravou unha maqueta en 2008, con duascentas copias, da cal se rescataron e mellorado un par dos sete temas que compoñen o traballo que se presenta esta semana.

O grupo está formado por David Vellé (guitarra), Ángel Fenda (baixo), José Antonio Salvador (batería), Jesús Varela (guitarra) e Neme López (voz). Presentarán o seu traballo o vindeiro venres, 13 de abril, no pub lucense Garçon do Pis, a medianoite.