Os investigadores do dobre crime de Burgás cren que Juan José Calaza, O Pibe, foi o autor material da brutal malleira que acabou coa vida de Eulogio Hermida Rodríguez e o seu pai, Víctor Hermida Purriños, a noite do pasado 22 de febreiro. A teoría que baralla a Garda Civil é que os dous vilalbeses presentáronse na vivenda dos Hermida para saldar un asunto relacionado coas drogas e que ao Pibe fóiselle a man a consecuencia da gran cantidade de cocaína que se meteu para armarse de valor.

A Garda Civil desenvolveu a operación que conduciu á detención de Calaza, de 34 anos, e do seu amigo, Brais Lozano Ousa, de 24, o sábado ao detectar que o máis novo ía abandonar Vilalba cara a Eivissa, onde xa tiña un contrato para traballar na tempada de verán na hostalería. A marcha de Brais podería complicar a resolución do caso, por iso é polo que se precipitasen as detencións.