«Feliz, pero tranquilo». Así acabou Xullo Delgado, adestrador do Burela FS, a eliminatoria que puxo ao seu equipo a dous partidos do ascenso á Primeira División. «Imos xogar tantos partidos como o equipo que máis dispute na categoría e chegamos onde pouca xente esperaba. Xa dixen que había unha praza para catro equipos e que nós a queriamos tanto como calquera. Agora, seremos un dos dous conxuntos que opte ao premio», engadiu o técnico laranxa.

Xullo Delgado tomou as rendas do Burela FS hai pouco máis de catro meses, cando as cousas non pintaban ben. «Foi unha dura proba no terreo persoal, pero a estou gozando como un neno. Adestrara ao Trabada FS, pero quería verme en momentos complicados cun equipo de Segunda División e con xogadores da calidade e experiencia do Burela FS. Creo que me atopei a gusto en todas as situacións posibles e o premio pode ser marabilloso», dixo o técnico, que valora lle euforia que disparou o equipo. «Conseguimos enganchar á xente, a que senta identificada e impórtelle o seu equipo. Era un obxectivo prioritario e conseguímolo en pouco tempo».