A festividade do Carmen encheu a provincia de Lugo de festexos, ao que contribuíu que parece que, por fin, aséntase o tempo estival.

Na costa de Lugo, vivíronse festas en lugares como Ribadeo, Foz, Viveiro e San Cibrao. Na procesión marítima desta última estaba prevista a presenza da conselleira do Mar, Rosa Quintana.

Lonxe do mar, tamén na capital tiveron lugar varias celebracións, como na parroquia de Pías (no vídeo de J. VÁZQUEZ). Mentres, na Praza de Augas Férreas continúa a Semana Gastronómica de Galicia, e no centro urbano púidose ver aos participantes no certame de pintura rápida.

Abadín viviu unha nova edición da súa xa popular baixada de carrilanas. E, ademais, a segunda edición da festa intergeneracional do Courel, convocada polo Concello e a asociación de desenvolvemento rural Serra do Courel, reuniu a 50 xinetes e numeroso público nos variados xogos tradicionais que tiveron como escenario a contorna da herrería de Seoane.