O crítico de cine de El Progreso é un home do seu tempo, criado cos comecocos e dos que pensan que a consola non é un xoguete (ou si, pero non de uso exclusivo para nenos). Parafraseando a The Clash, diríamos que Godard coñece a Nico Bellic, o heroe do GTA IV. Politólogo, analista de medios e con cadeira na tertulia cultureta do Extrarradio da Radio Galega, tamén sofre o verán.

1. Non falta no seu i-pod
 a) Reggaeton.
 b) Música clásica.
 c) Pop petardo.
✘ d) Os greatest hits de Julio Iglesias.

2. Para vostede a canción do verán é..
✘ a) Unha tortura.
 b) Algo que agarda con ganas.
 c) O que?

3. Nesta época vostede ponse...
 a) Estupendo.
✘ b) Insoportable.
 c) Ímola virando.

4. A operación biquini comézaa...
✘ a) Vive nela.
 b) Rigorosamente o día 15 de xuño.
 c) Si, opero o biquini.

5. O verán gústalle por...
 a) Porque hai vacacións.
 b) Porque os/as mozos/as levan menos roupa.
 c) A quen lle gusta o verán?
✘ d) Polo que foi máis que polo que é.

6. Un superheroe...
 a) A Muller Marabilla.
 b) O Incrible Hulk.
 c) Lobezno.
✘ d) Supermán.

7. Nunca lle dixeron:
 a) Non es ti, son eu.
✘ b) Quérote coma a un irmán.
 c) Es demasiado bo para min.

8. Que nunca falta na súa maleta cando vai de viaxe?
 a) Fío dental.
✘ b) Un libro.
 c) O bañador.

9. Que non faría nunca?
✘ a) Meterme nun concerto da xira de Operación Triunfo.
 b) Botar a tarde falando nunha cafetería.
 c) A miña relixión prohíbeme pensar no que non faría.

10. Cando o sol apreta.
 a) Anima a materializar calquera fantasía.
 b) Baixa a tensión e quita as ganas de todo.
 c) Suar? Que ben!
✘ d) Boto máis horas coa Xbox.

11. Da fauna de praia mételle máis medo...
 a) Os clons de Karina Fálagan en biquini.
 b) Á que habita na ensadadilla.
 c) Á medusa do amor.
✘ d) Témoa enteira. Flora e fauna.

12. Vexo todo
 a) En branco e negro.
 b) De cores.
✘ c) Gris.

13. Un plan:
a) Chill-out en Ibiza.
✘ b) Un festival de rock.
c) Unha sesión vermú coas orquestras Panorama e París de Noia.

14. O avituallamento ideal para esta estación:
✘ a) Cervexa.
 b) Tinto de verán.
 c) Piña colada.

15. Elixa o deporte máis axeitado para tempos estivais:
 a) Barra fixa, tanto de día coma de noite.
 b) Ver o Tour de Francia pola tele. Mentres bota a siesta a serpe multicor sobe o Alpe d'Huez.
✘ c) Case sempre en horizontal.

16. Síntese máis:
✘ a) Gafapasta.
 b) Pagafantas.
 c) Gastaspista.

17. A que defuntiño lle poría unha ouija?
✘ a) Françoise Truffaut.
 b) Stanley Kubrick.
 c) Walt Disney.
✘ d) David Foster Wallace.

18. O verán da súa vida sería...
 a) O de Caro diario, de Nani Moretti, con Nani Moretti e a súa hipocondría.
b) O de Pradolongo, de Ignacio Vilar, con Rubén Riós, Tamara Canosa e Roberto Porto.
✘ c) O de O xendarme en Saint Tropez, de Jean Girault.

19. Pórse moreno é para vostede:
 a) Unha obriga.
 b) Unha ordinariez.
✘ c) Unha entelequia.

20. Unha icona pop:
 a) David Bowie
✘ b) Austin Powers.
 c) Amadora, de Os Tonechos.

21. Que estrea agardou con máis ganas este verán?
 a) Brüno.
 b) A sexta de Harry Potter.
 c) Ice Age 3.
✘ d) Up.

22. A banda sonora do seu mellor verán:
 a) A de Verano azul
 b) A de Californication.
✘ c) A de Os vixiantes da praia.