cuchi moldea o San Roque infantil coa finalidade de que o seu equipo mellore futbolisticamente e manteña unha actitude positiva sobre o terreo de xogo. O adestrador do conxunto verdibranco, que milita na Liga provincial, amósase satisfeito coa disposición ó traballo dos seus xogadores e as gañas de aprender que teñen en cada adestramento.
Como conformaron o equipo para esta tempada?
Está composto por dous xogadores que subiron de alevíns e outros rapaces chegados de fútbol sala ademais dalgúns que non xogaran antes ó fútbol.
De que forma melloraron nos adestramentos?
A base de traballo, conseguimos que foran adquirindo coñecementos pouco a pouco. Ademais, queren aprender e son moi educados no terreo de xogo.
Cal é a súa meta?
O importante é que se formen e gocen xogando ó fútbol, desta forma intentamos que todos xoguen algún minuto nos partidos, aínda que uns sempre disputan máis que outros.
Cal é o seu punto forte?
A liña que temos máis forte é a defensa e o medio do campo. Contamos con xogadores como Kiko e Brais Iglesias, que se nota que levan tempo xogando ó fútbol.
Cales son os favoritos para estar arriba?
Penso que as dúas primeiras prazas serán para Milagrosa e Foz.
(Póster na edición impresa de El Progreso este luns)
