EN POLÍTICA hai excesivos profesionais da delincuencia, achegados ao poder por beneficiarse non só do que se pacta oficialmente como sustento, senón de canto pasa solto arredor. Ule mal, moi mal, e non precisamente no Parlamento por quen pode vestir sen traxe; pois de feito desprenden bastante peor olor un representante de Segovia engravatado e algunhas señoronas valencianas cheas de xoias, e tampouco solta precisamente perfume a decisión, agora rectificada, de apartar ás últimas filas do hemiciclo a quen representa a máis de cinco millóns de persoas, pero debía de ser unha decisión hixiénica para separar o máis posible a estes parlamentarios da mesa do Congreso para evitar que se achegaran a Celia Villalobos, porque igual lle pegaban piollos, pois ao mellor prefire estar preto de quen os traxes camuflan efluvios fétidos. E eses son os cheirumes máis perigosos para a saúde democrática.
