Opinión

Formas de gañar electorado

NON ESTAMOS en época electoral, pero a maior parte das decisións executivas ou opositoras van encamiñadas á cita coas urnas. O Goberno aplica as medidas máis impopulares ao principio de mandato e deixa as máis atractivas ao final, aínda que nesta lexislatura de minoría vese na obriga de adiantar decisións, como hai pouco a de baixar o IRPF. Case sempre teñen a economía como epicentro, porque como dixo o politólogo Robert A. Dahl, a esencia de toda política competitiva é o suborno do electorado, e non se refería á compra directa do voto, senón gañalo con promesas ou resolucións que afecten positivamente ao peto. Porque a economía manda. Xa o cantaba Franco Battiato hai trinta anos: "Prefiro a ensalada a Beethoven e Sinatra; a Vivaldi, uvas pasas, que me dan máis calorías". Ter as necesidades básicas cubertas é o máis importante para a maioría da poboación, e aí inciden os políticos.

Comentarios